تجمع للي عندهم نقص في فيتامين د وذلك لانتشاره

السلام عليكم ورحمة الله وبركاته
عسى الكل بخير وعافيه يارب...الموضوع مبين من العنوان نريد أن يكون هذا اجتماع للذين يعانون وعندهم نقص في فيتامين د يعني متى بديتي تحسين بالتعب والأعراض؟؟وكم نسبته عندك؟؟وايش العلاج اللي تستخدمينه وكيف نظامك الغذائي بعد ماعرفتي أن فيك نقص؟؟ومتى تتعرضين للشمس وكم المده؟؟وأرجوا وأقدر الإداره على عدم حذفه لأهميته
أبدى بنفسي أنا ماعرفت أن عندي نقص الا في نهاية رمضان السنه هذي واللي خلاني أكشف قرأت موضوع هنا لأختي أميرة الابداع ولاحظت أن أعراضها تقريبآ نفس أعراضي دوخه وعدم توازن وتنميل خاصة بالرأس وألم في العظام وخاصة الجهه اليمنى من الصدر والظهر وضيقة صدر ونسيااااااااااااااان وعدم تركيز عاد الله أعلم هي كلها من نقصه أو من العين اللي فيني ونسبته عندي 5 نظامي الغذائي اللي اتبعته حاولت أكثر شرب حليب ولبن زبادي وأكل الخضروات الخضراء مع حبوب كبد الحوت هذا غير العلاج اللي وصفته لي الطبيبه وهو حبوب ون الفا وفوار كالسيوم معه فيتامين د وحبوب كالسيوم اسمها استيوكر والشمس صرت أتعرض لها شبه يومي من ربع ساعه الا نص والوقت على آذان العصر يعني شمس المغيب لأنها تكون بارده وكان ودي أتعرض الصباح بس للأسف الشمس ماتاصل بيتنا الا الظهر والعصر....يالله همتكم ياأخواتي أفيدونا مأجورين